ບົດເປີດສາກ

ທ່ານຜູ້ອ່ານທີ່ນັບຖືແລະຮັກແພງ!
ເລີ່ມບົດທຳອິດຂອງບລັອກ “ອັກສໍລະສິນ” ກໍຈະມີພຽງການສະເໜີໂຕຂອງເຈົ້າຂອງບລັອກຜູ້ອາພັບທາງດ້ານວາທະສິນ ແຕ່ມີຈິດໃຈທີ່ປ່ຽມລົ້ນໄປດ້ວຍຄວາມຮັກມັກທາງດ້ານສິລະປະການຂີດຂຽນເປັນຊີວິດຈິດໃຈ.ເຫັນປຶ້ມນະວະນິຍາຍ ຫຼື ໂຮມເລື່ອງສັ້ນ ທີ່ນັກຂຽນທັງລາວແລະຕ່າງປະເທດປະພັນຂຶ້ນເປັນບໍ່ໄດ້ ຕ້ອງຈົກຖົງເງິນຊື້ມາອ່ານ... ອ່ານຈົບແລ້ວ ກໍຄຶດຢາກຂຽນເປັນບົດຂອງຕົນເອງແດ່ ຈຶ່ງໄດ້ສ້າງບລັອກນີ້ຂຶ້ນ ເພື່ອບັນຈຸບັນດາຕົວອັກສອນທີ່ອາບໂອບດ້ວຍສິລະປະແຫ່ງວັນນະຄະດີ...
ຂໍໃຫ້ບັນດາທ່ານຜູ້ອ່ານຈົ່ງໃຫ້ຄວາມເມດຕາອ່ານໃຫ້ສຸດ ຫາກມີສິ່ງຂາດຕົກບົກພ່ອງກໍຊ່ວຍຕຳໜິເສີມສ້າງໃຫ້ນັກຝັນຜູ້ນີ້ໄດ້ກາຍເປັນນັກຂຽນນຳເຂົາຈັກຄົນ.
ດ້ວຍຄວາມນັບຖືແລະຮັກແພງ
ວິຊຸດລະດາ